नेपाल एसबिआई बैंक लिमिटेड भारतीय स्टेट बैंकको ५५ प्रतिशत स्वामित्व भएको सहायक कम्पनी हो । स्थानीय साझेदार कर्मचारी सञ्चय कोषमा १५ प्रतिशत इक्विटी र ३० प्रतिशत सर्वसाधारणको हो । एसबिआई र एनएसबीएलबीचको प्राविधिक सेवा सम्झौताको शर्तमा पूर्वले बैंकका सीईओसमेत रहेका प्रबन्ध निर्देशक लगायतका प्रवासी अधिकारीहरू मार्फत बैंकलाई मद्दत पुयाउँछ । केन्द्रीय व्यवस्थापन समिति (CENMAC) मा प्रबन्ध निर्देशक तथा सीईओ, नायव सीईओ तथा प्रमुख वित्तीय अधिकृत, प्रमुख संचालन अधिकृत र प्रबन्ध निर्देशक तथा सीईओद्वारा निर्वाचित दुई तहीय प्रमुखले समग्र नियन्त्रण कार्यहरु अभ्यास गर्छन् र बैंकमा समग्र बैकिङ्ग कार्यहरूको निरीक्षण गर्दछ।
 
एनएसबिएल जुलाई १९९३ मा स्थापना भएको थियो र ९७ शाखा, २२ एकटेन्सन काउन्टर, ७ प्रादेशिक कार्यलय, १३ शाखारहित बैंकिङ तथा १ प्रमुख कार्यलय गरी कुल १४० आउटलेट बाट सेवा प्रदान गर्दै आएका छन् ।एनएसबिएल मा काम गर्ने दक्ष कामदारको संख्या २०८० को पौष अन्त्य सम्म ९३७ छ ।नेपालका ५१ जिल्लामा रहेको यस बैंकले आफ्ना ग्राहकहरूलाई १२१ एटीएम , इन्टरनेट बैंकिङ, मोबाइल वालेट, एस्एम्एस् बैंकिङ, आईआरसीटीसी टिकट अनलाइन बुकिङ सुविधा, इत्यादिको फराकिलो नेटवर्क मार्फत उत्कृष्ट सेवाहरू उपलब्ध गराउँदै आएको छ। एनएसबिएल १.३० मिलियन भन्दा बढी सन्तुष्ट निक्षेप ग्राहकहरू र १ मिलियन भन्दा बढी एटीएम र डेबिट कार्डधारकहरूका साथ नेपालको सबैभन्दा छिटो बढ्दै गइरहेको वाणिज्य बैंकहरू मध्ये एक बन्न सफल भएको छ । बैंकले डिजिटल समाधानहरुको प्रवेशको हिसाबले (जस्तै मोबाइल बैंकिङ, इन्टरनेट बैंकिङ र कार्ड सेवाहरू) देशमा अग्रणी स्थान प्राप्त गरेको छ। बैंक, नेपाली बैंकिङ उद्योगमा निकै कम एनपीए र खुद नाफामा उल्लेख्य वृद्धि गर्दै अगाडि बढिरहेको छ । असार ३१, २०८० सम्म बैंकको निक्षेप रु १५०।७२ अर्ब, ऋण र अग्रिम १२५।५३ अर्ब (कर्मचारी ऋण सहित) र लगानी ३४।१४ अर्ब (सहायक कम्पनीमा लगानी सहित) रहेको छ ।
 
भारतीय स्टेट बैंक (एसबिआई), २१७ बर्षको ईतिहासको साथ सम्पत्ति, निक्षेप, नाफा, शाखा, ग्राहकहरू र कर्मचारीहरूको हिसाबले भारतको सबैभन्दा ठूलो वाणिज्य बैंक हो । भारत सरकार यस फार्च्युन ५०० इकाईको प्रमुख शेयर होल्डर हो ।
 
एसबिआई समूह अन्तर्गत भारतमा २२,००० भन्दा बढि शाखाहरु र विश्वभरि २९ देशहरुमा २३५ कार्यालयहरु छन्।

नेपाल एसबिआई बैंकले सन् २०१६ मा आफ्नो पूर्ण स्वामित्वमा रहेको मर्चेण्ट बैंकिङ सहायक नेपाल एसबिआई मर्चेण्ट बैंकिङ लिमिटेड स्थापना गरेको छ ।